MM, unang-una ay nakatutuwa na mayroong mga kagaya mo na tumatangkilik sa ating mga taal na produkto bagamat ikaw ay nakagagala sa iba’t ibang bansa. Salamat sa iyong pagbabahagi ng impormasyon hinggil sa nagaganap na trade fair sa Megamall.

EbbaBlue, tunay na kahanga-hanga ang iyong pagkokomento sa blog na ito gamit ang wikang Filipino. Kung hindi ako nagkakamali ay sa Texas ka naninirahan. Lalo nitong pinatitingkad ang iyong kahusayan sa paggamit ng Tagalog/Filipino sapagkat bagamat nasa ibang lupain ka na ay napili mo pa ring gamitin ang kinagisnang wika.

Pagtutuwid lang po: ang kasalukuyang umiiral na wika batay sa ating kolektibong paggamit (“lingua franca”) ay wikang FILIPINO. Ibig sabihin nito ay pagbubuklod ng Tagalog, Cebuano, Ilokano, Kapampangan, Chabacano, Ifugao, et cetera (kaya may f, z, ch, at iba pang letra ang makabagong Filipino kumpara sa makalumang abakada na hango lamang sa TAGALOG). Kasama na rito ang ilang kataga o word-concepts na nasa Ingles, Kastila, Tsino at iba pa na naging bahagi na ng ating kaisipan. Sinisikap na rin po na maitaguyod bilang opisyal nating wika ang FILIPINO ayon sa pamantayang nabanggit. Ipinakikita na ito ng kasalukuyan nating Pangulong Aquino sa kanyang mga opisyal na mga pahayag at talumpati.

Kung patuloy nating tatangkilikin at tatamasain ang mga bagay na sariling-atin tulad ng wika, mga pagkain, mga “artisanal products,” naniniwala ako na hindi ito tuluyang maglalaho, sapagkat maisasalin natin ang ating interes at paghanga sa mga ito — sa ating mga anak, kaibigan, kaibigan ng ating mga anak, at marami ang iba.

Maalala ko lang pala, Gejo: malapit na ang Oktubre. Sana ay matuloy yung binalak nating parol-making session noong nakaraang taon.

=)